ભારતીય ચૂંટણી પંચે દેશના 12 રાજ્યો અને કેન્દ્ર શાસિત પ્રદેશોમાં મતદાર યાદીની Special Intensive Revision (SIR) પ્રક્રિયા શરૂ કરી છે. જેમાં કેરળ, પુડુચેરી, તમિલનાડુ અને પશ્ચિમ બંગાળ પણ સામેલ છે. આ ચારેય રાજ્યોમાં આગામી વર્ષે વિધાનસભા ચૂંટણીઓ યોજાવાની છે.

ચૂંટણી પંચે SIRનો પહેલો તબક્કો બિહારમાં કર્યો હતો. બિહાર ઉપરાંત ઉત્તરપ્રદેશ અને પશ્ચિમ બંગાળમાં પણ વિપક્ષી દળોનો આરોપ છે કે SIR દરમિયાન અનેક કાયદેસર મતદારોના નામો પણ યાદીમાંથી કાઢી નાખાયા છે. પશ્ચિમ બંગાળમાં તો TMCએ એવા આરોપો પણ લગાવ્યા છે કે વધેલા વર્ક-પ્રેશરના કારણે કેટલાક BLO આત્મહત્યા જેવી પરિસ્થિતિમાં ધકેલાઈ રહ્યા છે.

BLO અને BLO સુપરવાઇઝરની સેલેરીમાં વધારો

ચૂંટણી પંચે SIR પ્રક્રિયામાં લાગેલા અધિકારીઓને પ્રોત્સાહનરૂપ એક મોટો નિર્ણય લીધો છે. ECIએ બૂથ લેવલ ઓફિસર (BLO) અને BLO સુપરવાઇઝરની સેલેરીમાં વધારો જાહેર કર્યો છે.

• BLOની સેલેરી: ₹6,000 → ₹12,000 (બેગણી)

• BLO સુપરવાઇઝર: ₹12,000 → ₹18,000

• AERO (Assistant Electoral Registration Officer): કોઈ વધારો નહીં — અગાઉ મુજબ ₹25,000

• ERO (Electoral Registration Officer): કોઈ વધારો નહીં — અગાઉ મુજબ ₹30,000

ચૂંટણી પંચનો નવો આદેશ

ચૂંટણી પંચ તરફથી જાહેર કરાયેલી નોટિસમાં જણાવાયું છે કે, ઇલેક્ટરોલ રોલ્સ ડેમોક્રેસીનો પાયો છે. આ મશીનરીમાં ઇલેક્ટોરલ ઓફિસર, આસિસ્ટન્ટ ઇલેક્ટોરલ રજિસ્ટ્રેશન ઓફિસર, BLO સુપરવાઇઝર અને BLO હોય છે. ખુબ મહેનત કરે છે. વગર કોઈ ભેદભાવ અને ટ્રાન્સપેરેન્ટ ઇલેક્ટોરલ રોલ્સ તૈયાર કરવામાં મહત્ત્વની ભૂમિકા નિભાવે છે. એટલા માટે કમિશને તમામ BLOsની વાર્ષિક સેલેરી બેગણી કરવા અને ઇલેક્ટોરલ રોલ્સ તૈયાર કરવાની સાથે તેમાં ફેરફાર કરનારા BLOs સુપરવાઇઝરની સેલેરી પણ વધારવાનો નિર્ણય લીધો છે. ગત વખત આવો ફેરફાર 2015માં કરાયો હતો.