Sardar@150 Unity March: લોખંડી પુરુષ સરદાર વલ્લભભાઈ પટેલની 150મી જન્મજયંતી નિમિત્તે ભારત સરકાર દ્વારા આયોજિત રાષ્ટ્રવ્યાપી અભિયાન 'સરદાર@150 યુનિટી માર્ચ' અંતર્ગત થરાદ ખાતે વિધાનસભાના અધ્યક્ષ શંકર ચૌધરીના અધ્યક્ષસ્થાને ભવ્ય  યુનિટી માર્ચનું આયોજન કરાયું હતું. જે પદયાત્રા એકતા અને રાષ્ટ્ર પ્રત્યેની પ્રતિબદ્ધતાનું પ્રતીક બની હતી. જેમાં એકતા-યાત્રા કાર્યક્રમ ઉજવણી અંતર્ગત વાવ-થરાદના ત્રણ વિદ્યાર્થીઓએ સન્માન કરાયું હતું. નિબંધ, ક્વીઝ અને ચિત્ર સ્પર્ધામાં નંબર મેળવેલા વિદ્યાર્થીઓને સન્માન પત્ર એનાયત કરવામાં આવ્યા હતા.

જેમાં ચિત્ર સ્પર્ધામાં ગરવી ગુજરાત અને ગુજરાતના સાંસ્કૃતિક વારસાની ઝલક દર્શાવતા ચિત્રને પ્રથમ ક્રમાંક અપાયું હતું. જે ચિત્રમાં ગરવી ગુજરાતની ઓળખ બતાવવામાં આવી છે. જે ચિત્ર પ.ના.કે. પ્રા શાળા કિયાલની ધોરણ 6 માં ભણતી વિદ્યાર્થી માળી રોશની પારસભાઈ દ્વારા બનાવવામાં આવ્યું હતું, જે વિદ્યાર્થીને સંપૂર્ણ માર્ગદર્શન શિક્ષક નાઈ સુનિલ રમણલાલ દ્વારા પુરૂ પાડવામાં આવ્યું હતું. જે ચિત્ર ગરવી ગુજરાત અને ગુજરાતના સાંસ્કૃતિક વારસાની ઝલક દર્શાવે છે. આ ચિત્રને લઈ વિધાનસભાના અધ્યક્ષ શંકર ચૌધરીએ વિદ્યાર્થીને બિરદાવી પ્રમાણપત્ર આપ્યું હતું.